Yangi banknotlarga yozuvlar o‘zbek lotin alifbosida tushiriladi
Markaziy bank muomalaga chiqariladigan yangi banknotlardagi barcha matnlar lotin yozuviga asoslangan o‘zbek alifbosida bo‘lishini yana bir bor eslatdi.
Shuningdek, bank yangi pul belgisining namunasi hamda tavsifi ommaviy axborot vositalarida e’lon qilinishini ma’lum qildi. Bu muomalaga chiqarish sanasidan kamida 1 hafta oldin amalga oshiriladi.
Bu sizga nima beradi? Yangi banknot to‘satdan hamyonlarga tushmaydi: uning ko‘rinishi va xususiyatlari bilan oldindan, kamida bir hafta ilgari tanishib olish imkoni bo‘ladi.
Manba: Kun.uz